الفاظ سے خون لکھ رہا ہوں

بارشیں اور تم

23 مارچ 2020

گوادر

بارشوں سے کس کو محبت نہیں ؟ بارشوں سے آسمان کو نئئ رنگ بخشی جاتی ہے اور انسان کی روح کو تازگی۔ بارشوں سے اکثر لوگ ماضی کا رُخکرتے ہیں۔ جن کا بچپن خوشیوں سے گزرا انہیں بارشیں ایک مثبت اور مزہ کن کیفیت دیتی ہیں اور اگر کسی کا بچپن اذیت، تنہائی، بے بسی، غربت،بھوک، اپنوں سے جدائی، دھوکہ دہی اور وجود سے شکست خوردہ گزرا ہے ان کے لیے بارشیں ایسی کیفیت طاری کرتی ہے کہ ان کی ہونٹوں پہمسکراہٹ تو ہوتی ہے مگر آنکھیں آنسوؤں کی دریا کا منظر پیش کرتی ہیں۔ وہ نا چاہتے ہوئے بھی روتے ہیں۔

مجھے کئی سال ہوگئے تھے کہ میں اپنے آپ سے جدا تھا۔ نیچر کی محبت سے دور تھا۔ کیا چاہتا تھا اور کیا ہوتا تھا ، ہرچیز میری بس سے باہر تھی، کبھیہنستے ہنستے روتا تھا تو کبھی روتے روتے ہنستا تھا۔ 

رات کو تین بجے تک اپنے آپ سے مسلسل باتیں کرتا رہا، ماضی ، حال اور مستقبل پہ روشنیاں ڈالتا گیا، اپنے آپ سے قسم کھائی تھی کہ ماضی اورحال جس طرح بھی گزرے یا گزررہے ہوں ان سے اپنے حوصلے پست نہیں ہونے دونگا اور نہ ہی رو لوں گا۔

میں جس معاشرے میں رہتا ہوں وہاں سب سے بڑا مسئلہ پیٹ یعنی روزگار کا ہوتا ہے ۔ روزگار اور نوکری کا بھوت ہروقت سر پہ سوار ہوتا ہے۔ بناروزگار کہ کوئی کسی کو منہ بھی نہیں لگاتا۔ بقولِ سنگت کہ:

"جو لوگ آج تمہیں پانچ روپے ادھار دینے سے گریز کرتے ہیں اگر تم کل کوئی بھی سرکاری نوکری کرلو تو لوگ تمہیں پانچ کیا بلکہ پچاس ہزار ادھار دینےکو بھی تیار ہونگے"۔ اگر کسی نے اس بات پر مزید وضاحت چاہیے تو شیردل غیب سے رجوع کرلے۔

پتہ نہیں کس وقت آنکھیں بند ہوگئیں اور میں نیند میں چلاگیا، خواب میں بھی یہی اذیت، بھوک، پیٹ، بے روزگاری اور پھر تم۔۔۔۔۔۔۔۔۔

جب آنکھ کھلی تو دیکھا کہ باہر زور سے بارش ہورہی ہے میری خواہش ہوئی عین اسی وقت گھر سے باہر نکلوں، مگر حالات نکلنے کے لیے سازگار نہیںتھے۔ میری ہمیشہ سے یہی خواہش رہی ہے کہ جب بھی بارشیں ہونگی تو بھیگ جایا کرونگا لیکن اس بار نہیں کرپارہا تھا۔ بہت افسوس ہورہا تھا اپنیحالت پر۔ 

چونکہ ہم نے صبر کرنا سیکھا ہے، سو صبر کا دامن پکڑ لیا، جیسے ہی 6 بج گئے، میں Dunhill کی پیکٹ اٹھا کر گھر کے پیچھے کی طرف بندات کی طرفروانہ ہوا۔ کچھ منٹ بعد اس جگہے پر آ کر بیٹھ گیا جہاں کچھ سال پہلے اپنی دوستوں (جن کا اب پتہ نہیں) کے ساتھ کھیلتا تھا۔ وہی ایک چھوٹی سیپہاڑی پہ آگر بیٹھ گیا اور سگریٹ جلایا۔

جب نظر دوڈایا تو میں نے دیکھا بارش کے بعد ہرجگہ تھوڑا تھوڑا پانی جمع تھا آسمان کے سینے میں بادل بھی موجود تھے شاید ان کے بھی زخم باقی تھےاور وہ مزید برسنا چاہتے تھے۔ آج نیچر اتنا خوبصورت تھا جیسے ان کو چار چاند لگ گئے ہوں قریب درختوں کے اوپر سے پرندوں کی خوبصورت آوازیںاور ہرطرف  نئی اور تاذہ فضا کی رنگینیاں۔۔۔۔۔۔۔ بہت سکون تھا۔۔

اچانک ہوش آیا تو دیکھا ہاتھ میں پکڑا سگریٹ جل کر ختم ہوچکا تھا اور میری آنکھیں نم تھیں۔ 

دوسرا سگریٹ جلایا۔

میں خدا کے قریب آنا چاہ رہا تھا، حالانکہ  خدا میری روح سے بھی ذیادہ قریب تھا مگر میں اس سے بہت دور تھا۔ اچانک دل سے ایک آہ اٹھ کر زبانپہ آگئی ، "خدا۔۔۔۔۔۔۔۔۔۔۔!"

یہ الفاظ منہ سے نکلتے ہی میں رونے لگا، بہت رویا، حالانکہ قسم کھائی تھی کہ نہ حوصلے پست ہونے دونگا اور نہ رولوں گا ۔ مگر اس بار خود کو قابو نہ کرسکاتو خود کو رونے دیا۔۔۔۔

ایک بار پھر کٹھن ماضی پہ نظر دوڈانا چاہا، مگر ہمت نہ ہوئی۔ تم سے گفتگو کرنے کا خیال آیا ، خیال آتے ہی حقیقت سامنے گیا کہ "تم مر گئی ہو"۔ بہتتکلیف ہوئی۔ پہلے یہ ہوتا آرہا تھا کہ دنیا سے شکست کھاتا تھا ، اس بار جب اپنی وجود سے شکست کھائی تو شاید اسی لیے خود کو مار دیا تھا۔۔۔

ہزار بار خواہشیں کیں کہ اپنے وجود کو پھر سے زندہ کرسکوں۔ مگر کر بھی کیا سکتا تھا، انسان تھا خدا نہیں۔۔۔۔۔۔۔!

آسمان کی طرف دیکھا تو آسمان خالی خالی نظر آیا ، بادلوں کے نشانات تک موجود نہیں تھے۔ شاید بادلوں کے زخم میری زخموں سے کم تھے۔ اسیلیے انہوں نے بجائے اپنے برسنے کے مجھے برسنے کا موقع دیا۔

کہانیاں ہو یا پھر زندگیاں، وہ ختم نہیں ہوتیں بلکہ انہیں ختم کیا جاتا ہے۔

؀ یہی ہم نے سیکھا ہے جرمِ وفا سے

         بچھڑ جائیے گا، تو مر جائیے  گا۔۔۔۔